ABOUT US!

Tungzang Khua Tangthu

Tungzang Khua Omna Mun:  Zogam, Tedim khuapi pan nitumna leilu lam Tei (18 miles) gamlatna ah om a, tuipi maitang pan a sanna pi (Fts. 5080’) munah om hi.  Nisuahna lam pi (6651’) asang Nanglemvum mualpi omin, nitumna lamah pi (fts.7160’) asang Teute mualsangpi omin Zogam sung Mualsang minthangte lakah khatin kihel hi. Tungzang gam sungah Mual (mountain) vekpi 24 omin, Lui (Stream) vekpi gawm 41 om a, Ciktui (Fountain) vekpi gawm 10 om hi. Nisuahna lamah Anlangh khua omin, nitumna lamah Ngalbual khua le Suangsang khuate om hi. Leilum lamah Tuipi khua le Pangzang khuate om a, leitaw lamah Tuithang khua om hi.

Tungzang Khua Kisatna:   Zomite Ciimnuai munah kiteeng masa cih tangthu sulkan atam zaw in ciamteh uh hi. Pu le pate ahi adiakdiak in Thangho le Liandote Unau pen Ciimnuai pan Geeltui, Dimpi, Dimlo cihte ah na lal toto uh a, tua mun pan kipan Dimmite’ piankhiatna khang kisut ahi hi.

MISSION &

VISION

TGA Ngim le Tup bulpite 

TGA Ngim le Tup bulpite (Aims and Objectives)

(1) Leitung mun tuamtuam a om Tungzang suan khempeuhte khat le khat kimeltheihna,ki-itna, kipumkhatna le kihuhtuahnate akhan semsem nading.

(2)  Pianna Tungzang khua leh Tungzang suante khempeuh in pilna, cidamna, anneek tuidawn, neih le lamte ah kicingzaw le khantohna ding.

(3) Leitung thu le Pasian thu ah Thumanna, cihtakna le itna bulphuh in leitung khuahun luanzia tawh kizui gamtat, luhet, kampau kilawm tawh khantohna ding.

(4)  Belh le muan ding neilo, ahuh a kem ding omlo pumpi le lungsim zawngkhalte puakpih in, genkholh theihloh cimawh-dongtuakte panpih nading.

(5)  Mipil, siamna, mihau, mithahat, min le za neite vangpia le pahtawi siamin khua le tui ading zattheih nading.

(6) Hih ngimna leh tupna bulpite tawh kituaklo bek thamlo kipawlna iinasepnate a susia, a thanem sak, lawm le gual vai akideidanna, beh le phung kideidanna, gam ki-ukna (politics) vai akideidanna le biakna (religious) hang a kideidanna cihte akipan kipawlna asiasak ,kikhenkham thei thu le la khempeuh nasiatak nial le langpan ding.

 

Mission: Leitung khuahun luanzia tawh kizui pilna, siamna, gamtat, luhek, kampau kilawm tawh khua le tui, le minam sungah a bukim khantohna’ng nasem ding.

 

Vision:  Kipumkhatna tawh Gualzawh sawm ding (Where there is Unity, there is always victory)

OUR ACTIVITIES

TGA Nasepsate le Sep ding Mabante:

(1) 2010 kumin TGA nasep kalmasa pen ahi Tungzang khua ah a om ngei nailo Tualsuak Zato Inn (Rural Health Center-RHC) building kilam hi. Hih Zato innpi akineihna hangin khua le tui ading phattuamna lianpi om bek tham loin, khua le tui zong khangto le etlawmsak mahmah hi.

(2) 2018 kum bulin TGA makaihna tawh Tungzang khua Kum 100 cin phawkna Innpi le Teute Hotel (Tungzang Centennial Hall & Teute Hotel) lamna ding Innmun zonna kinei a, nidang Tuiphum pawlpite’ hanlui munah Inn lam theihna dingin Pa Kap Za Khai (hausapa) in phalna piakhia hi. Tua phalna laite tawh Chin State government, (leitang lam zumpi) leh Nyipyitaw dongah kumpi’ theihpihna lai (Registration) kibawl pahin, September 28,2018 ni-in Leitang lai kician (Official Register Letter) / Migram kingah hi. September 28, 2018 (Friday) ni-in, TGA Sub-Committee le hausa upa kigawm mi 13 ten TGA Innmun huang /dai Sikdailing tawh nasiatak um hi.

(3) 2019 January kha sungin TGA panpihna tawh TYA le khuazangbup mapang khawmin Teute vumah Motorcycle tun theihna ding lampi kizik / kisial hi. Hih lampi kisial khit phet akipan Zogam mun tuamtuam pan le gamdang khualzin mite (Tourist) tampi nisim phialin Teute mualah pai ziahziah uh hi.

(4) 2019 June-July sungin Pu Thomas Khanno (Tuithang mi), Yangon in Zogam leitang le minam a itna tawh Tungzang khua sungah suan ding Khadawmi singno kung 1000 man ngen lo (Free gift) in TGA tungtawn in hong piakhia hi. Tua singno teng pen Khua sung le khuapua mun pawl khatah kisuan kawikawi-in, TGA Innmun huangpi sungah kung 500 kisuan hi. Pu Thomas Khanno (Yangon)te innkuan tungah Tungzang khuabup tangin lungdamna kiciamteh hi.

(5) 2019 November kha sungin Kawlgambup Zomi Siamsin Kipawlna te’ makaihna tawh Zomi Siamsin Khawmpi le Seminar 2019 pen Tungzang khua-ah thupitak kibawl in, tua lai-ah inntek sem Tungzang Siamsin Innkuante’ huh ngetna tungtawn in TGA min tawh panpihna Ks.4000000/- kipiakhia hi.

TUNGZANG GLOBAL’S LEADERSHIP TEAM

TGA -CEC COMMITTEE (2019-2021)

Kam Lian Mung

( President )

Hang Thawn Tuang

( Vice President 1 )

Thang Go Thawng

( Vice President 2 )

Thang Sian Kham

(General Secretary)

Lian Zo Tuang

(Asst. Secretary 1)

Kam Sian Piang

(Asst. Secretary 2)

Thang Sum Mang

(Treasurer)

Kam Suan Mang

(Asst. Treasurer)

Langh Khan Khup

(Auditor)

Kam Kap Thang

(Asst. Auditor)

Nang Cin Thang

(Finance Secretary)

Thawng Sum Mung

(Asst. F. Secretary)

Kham Lian Hau

( Member)

Thang Pian Mung

((Member)

Cin Kap Suan Thang

(Member)

Thawng Khen Thang

(Member)

Michael Thang Mun Sum

( Member)

CONSTITUTION & BYLAWS

THUKHUNPI (CONSTITUTION)

Thukhunpi te aki cing in PDF file tawh asimnuamte ading in, download theih na ding link button anuai ah hong ki koih sak hi. DOWNLOAD na mek in la PDF file tawh aki cingzaw in, na sim in!

OUR LATEST NEWS

No Results Found

The page you requested could not be found. Try refining your search, or use the navigation above to locate the post.

No Results Found

The page you requested could not be found. Try refining your search, or use the navigation above to locate the post.

1 + 7 =

© 2019 –Tungzang Global Association. All Rights Reserved..